काठमाडौं– विवेकशील पार्टीले सोमबार राजधानीमा विविध सांस्कृतिक भेषभूषासहित प्रधानमन्त्री केपी शर्मा ओलीको संसद विघटन गर्ने निर्णयविरुद्ध प्रदर्शन गरेको छ।
सरकारविरुद्ध विवेकशील पार्टीले निरन्तर प्रदर्शन गरेको सोमबार २२ औं दिन हो।
प्रधानमन्त्री ओलीले पद र शक्तिको दुरुपयोग गर्दै असंवैधानिक तवरवाट प्रतिनिधिसभा विघटन गरेको दिनदेखि विवेकशील पार्टीले विभिन्न सिर्जनात्मक शैली प्रयोग गर्दै माइतीघर मण्डलमा प्रदर्शन गर्दै आएको छ।
प्रदर्शनमा सहभागीले ‘विविधता नै एकता हो’, ‘त्याग र बलिदानले ल्याएको संविधान, गरौं सम्मान’, ‘असंवैधानिक संसद विघटन खारेज गर’, ‘लोकतन्त्र मास्ने खेल बन्द गर’, लगायतका प्लेकार्ड बोकेका थिए।