काठमाडौं– सोमबार सुनको मूल्य प्रतितोला आठ सय रुपैयाँले घटेको छ। आइतबार ९३ हजारमा कारोबार भएको सुनको मूल्य आज ९२ हजार २०० कायम भएको हो।
आइतबार शुक्रबारको तुलनामा २३ सय रुपैयाँ घटेको थियो।
नेपाल सुनचाँदी व्यवसायी महासंघका अनुसार आज तेजाबी सुनको मूल्य पनि तोलामा आठ सय रुपैयाँ ओरालो लागेको छ।
आइतबार ९२ हजार ५०० मा कारोबार भएको तेजाबी सुनको मूल्य आज ९१ हजार ७०० तोकिएको छ।
चाँदी तोलामा ४० रुपैयाँ घटेर एक हजार २३० मा कारोबार भइरहेको छ।