गोरखाका पाँच स्थानीय तहमा सार्वजनिक बिदा

गोरखा– २९९ औँ पृथ्वी जयन्ती तथा राष्ट्रिय एकता दिवसको अवसरमा गोरखाका पाँच स्थानीय तहले आज सार्वजनिक बिदा दिएका छन्। 

नेपाल एकीकरण गरेका राजा पृथ्वीनारायण शाहको जन्मथलो गोरखा नगरपालिकाका साथै पालुङटार नगरपालिका, अजिरकोट गाउँपालिका, सिरानचोक गाउँपालिका र भीमसेन थापा गाउँपालिकाले सार्वजनिक बिदा दिएका हुन्। 

गोरखाका राजा नरभूपाल शाह र रानी कौशल्यवतीका जेठा छोराका रूपमा वि.सं १७७१ पुस २७ गते जन्मिएका पृथ्वीनारायण शाहले बाइसे चौबिसे राज्यलाई एकीकरण गरी आधुनिक नेपाल निर्माण गरेको इतिहास छ। 

रासस