समाज
1614258346.jpg

सुर्खेत- जिल्ला प्रहरी कार्यालय सल्यानले दुई ट्रक बहुमूल्य जडिबुटी नियन्त्रणमा लिएको छ। जाजरकोटबाट नेपालगञ्ज लैजाँदै गरेको अवस्थामा प्रहरीले सल्यानको सल्लीबजारबाट जडिबुटी नियन्त्रणमा लिएको हो। 

NLG Insurance
Sampoorna Oil

चलानी नम्बरमा उल्लेख गरेभन्दा बढी र फरक प्रकृतिका जडिबुटीहरु भेटिएपछि दुईवटा ट्रकसहित ठेकेदारलाई नियन्त्रणमा लिइएको सल्यानका डीएसपी गोविन्द थापाले जानकारी दिए।

ट्रकमा पासवेत, कालिकाठको दाना, बोजोको जरा, पदमचाल, टिमुर, तेजपत्तालगायतका वहुमुल्य जडिबुटी छन्।

डिभिजन कार्यालय सल्यानको समन्वयमा प्रहरीले बिहीबार साँझ जडिबुटी नियन्त्रणमा लिएको हो। जडिबुटी बोकेका ना ४ ख ६४१३ र ना ८ ख ५४३ नम्बरका दुई ट्रक, ठेकेदार रामप्रसाद चौलागाईं र सहायक ठेकेदार ममता गिरीलाई नियन्त्रणमा लिएको हो।

‘चलानी नम्बरभन्दा फरक जडिबुटी ल्याएको आधारमा ट्रकसहित ठेकेदारलाई नियन्त्रणमा लिएका छौँ’ डीएसपी थापाले भने, ‘घटनाबारे थप अनुसन्धान हुँदैछ, अहिले मुचुल्का उठाइरहेका छौँ।’

प्रतिक्रिया दिनुहोस्