काठमाडौं। अनेरास्ववियू (दाहाल-नेपाल समूह)का विद्यार्थीले ललितपुर पाटनमा आज ‘बयलगाडा’ प्रदर्शन गरेका छन्।
संसद् विघटन प्रधानमन्त्री केपी शर्मा ओलीको असंवैधानिक र प्रतिगामी कदम भएको भन्दै उनीहरूले विराेधस्वरूप प्रदर्शन गरेका हुन्।
विद्यार्थीहरूले रिक्सामा बयलगाडाकाे जस्तै स्वरूप बनाएर प्रदर्शन गरेका थिए।
यस्तै आजै दिउँसो २ बजे माइतीघर मण्डल र भक्तपुरको सानोठिमीमा अपरान्ह ४ बजे बयलगाडाकाे स्वरूप बनाएर प्रदर्शन गर्ने कार्यक्रम छ।
संसद् विघटनपछि नेकपामा दाहाल-नेपाल र ओली समूह राजनीतिकरूपमा विभाजित भएका छन्।
दाहाल–नेपाल समूहले संसद् विघटनविरुद्ध विभिन्न जुलुस तथा प्रदर्शन गर्दै आएको छ।