हेटौँडामा दुर्घटना, एक जनाको मृत्यु

हेटौँडा- पूर्वपश्चिम राजमार्ग अन्तर्गत हेटौँडा १५ चुरियामा बसले मोटरसाइकललाई ठक्कर दिँदा एक जनाको मृत्यु भएको छ। 

शुक्रबार राति राजमार्गको चुरियामाई मन्दिर उकालोमा जनकपुरबाट काठमाडौं जाँदै गरेको ना ६ ख  ६९६३ नम्बरको बस र विपरित दिशाबाट आउँदै गरेको ना ६३ प १५० नम्बरको मोटरसाइकल ठोक्किएर दुर्घटना भएको हो। दुर्घटनामा मोटरसाइकलमा सवार हेटौँडा ३ बस्ने अन्दाजी ४३ बर्षीय देवी लामाको मृत्यु भएको  छ।

उनको उपचारको क्रममा चुरेहिल अस्पतालमा मुत्यु भएको मकवानपुर प्रहरीले जनाएको छ। त्यसैगरी मोटरसाइकल चालक हेटौँडा ३ लेवट बस्ने इश्वर नेपाल घाइते भएका छन्। उनको हेटौंडास्थित चुरेहिल अस्पतालमा उपचार भइरहेको प्रहरीले जनाएको छ। 

ठक्कर दिने बस तथा चालक ईलाका प्रहरी कार्यालय पशुपतिनगरको नियन्त्रणमा रहेको जनाइएको छ।