धनगढी- प्रधानमन्त्री केपी शर्मा ओली धनगढी पुगेर सम्बोधन गर्ने क्षेत्र धनगढी खुलामञ्चमा ‘निर्मला पन्तको बलात्कारी खै’ लेखिएको टिसर्ट लगाएर पुगेका युवाहरुलाई प्रहरीले ३ घण्टा नियन्त्रणमा राखेर छोडेको छ।
प्रहरीले उनीहरुलाई सभास्थलबाट २ बजे नियन्त्रणमा लिएको थियो। प्रधानमन्त्री ओली काठमाडौं फर्केपछि बेलुका ५ बजे उनीहरुलाई रिहा गरिएको कैलालीका प्रहरी प्रमुख प्रहरी उपरीक्षक अनुपम शमशेर जबराले बताए।
प्रहरीले यस्तो टिसर्ट लगाएका ७ जना युवालाई पक्राउ गरेको थियो।
२०७५ सालमा पन्तको बलात्कारपछि हत्या गरिएको थियो। लामो आन्दोलन भए पनि हालसम्म अभियुक्त पक्राउ पर्न सकेको छैन।