काठमाडौं– पत्रकार नारायण वाग्लेले देश अर्को अतिवादतर्फ गएको टिप्पणी गरेका छन्।
नेकपाको दाहाल–नेपाल समूहले आज बिहीबार काठमाडौंमा आयोजना गरेको अन्तरक्रिया कार्यक्रममा उनले भने, ‘हिजो शाही शासनमा जसरी कानुनी राज्य र लोकतन्त्रका लागि आवाज उठाउने विरुद्ध पछाडि मानिस लगाइन्थ्यो, अहिले त्यस्तै भयो। सबै सेटिङमा काम भएको छ। देश अर्को अतिवादतर्फ गएको छ। यसका विरुद्ध हामी अहिले सडकमा छौं।’
अहिलेको आन्दोलन राजनीतिक दललाई उत्थान गर्नका लागि भएको उनले बताए। ‘तपाईंहरुसितको सहकार्यमा हामी आन्दोलन घोषणा गरेर अघि बढ्छौं,’ नेकपाको दाहाल–नेपाल समूहलाई सम्बोधन गर्दै उनले भने।