काठमाडौं– शिक्षा मन्त्रालयले कक्षा १० मा लिइने एसईई (माध्यमिक शिक्षा परीक्षा) प्रदेशलाई दिने विषय निर्णयका लागि मन्त्रिपरिषद्मा पठाएको छ।
मन्त्रालयले शिक्षा तथा स्वास्थ्य समितिमा छलफल भएर आएको सिफारिस निर्णयका लागि मन्त्रिपरिषद्मा पठाएको हो।
एसईई परीक्षा प्रदेश स्तरबाट सञ्चालन गर्ने तयारी भइरहेकै बेला परीक्षा नियन्त्रण कार्यालयले १५ पुसमा रजिस्ट्रेसन फारम भर्ने सूचना भने निकालिसकेको छ।
एसईईसँगै कक्षा ८ को परीक्षा स्थानीय तहलाई दिने विषयमा पनि छलफल भएको मन्त्रालयका प्रवक्ता दिपक शर्माले नेपाल समयलाई जानकारी दिए।