विदेश

चीनमा कोरोनाका १६ खोपलाई परीक्षण अनुमति

1613891514.jpg
तस्बिर : राेयटर्स

बेइजिङ– चीन सरकारले चीनभित्र बनेका १६ वटा खोपलाई परीक्षण अनुमति दिएको छ। चीनको नेसनल मेडिकल प्रोडक्स एड्मिनिस्ट्रेसनले सो कुराको जानकारी दिएको हो। 

NLG Insurance
Sampoorna Oil

चीन सरकारले यहाँका १६ कम्पनीका खोपलाई परीक्षण अनुमति दिएको छ भने तीमध्ये ६ वटाको तीन चरणमा परीक्षण भइसकेको जनाइएको छ। 

यीमध्येका दुईवटा कम्पनीले निर्माण गरेका खोपले भने चीनभित्र र बाहिर पनि बजार लिएको बताइएको छ। 

चाइना नेसनल बायोटेक ग्रुपका तर्फबाट बनेको सिनोफार्मको खोपले अहिले बजार लिएको छ। त्यस्तै गरी सिनोभ्याक बायोटेकले बनाएको कोरोना भ्याक भ्याक्सिनले पनि बजारमा प्रवेश पाएको छ। 

ती दुई खोपले चीनको सरकारी आधिकारिक निकायबाट डिसेम्बर ३० मा र यसै वर्षको फेब्रुअरी ५ मा नै अनुमति पाएका हुन्। 

यसैगरी चीनको औषधि व्यवस्थापन सम्बन्धी सरकारी निकायले यही फेब्रुअरीको ९ तारिखमा चार करोडभन्दा बढी खोप यहाँका औषधिको प्रचलन गर्ने संस्थालाई हस्तान्तरण गरेर लगाइएको पनि बताइएको छ। सिन्हवा

प्रतिक्रिया दिनुहोस्