काठमाडौं- कोरोना परीक्षणको नक्कली पीसीआर रिपोर्ट बनाएर दुबई जान लागेका ७ जना त्रिभुवन अन्तर्राष्ट्रिय विमानस्थलबाट पक्राउ परेका छन्।
फ्लाई दुबईको एफजेड५७४ विमानमार्फत् काठमाडौंबाट दुबई उड्न लागेका विभिन्न जिल्लाका ७ जनालाई विमानस्थल प्रहरीले पक्राउ गरेको हो।
उनीहरुले राष्ट्रिय जनस्वास्थ्य प्रयोगशाला तथा ह्याम्स अस्पतालको नाममा नक्कली पीसीआर रिपोर्ट बनाएको पाइएको छ।
पक्राउ पर्नेमा सल्यानको खइरागर–९ मुलखोलाका दिनेश सिंह, भुचक्रपुर–९ धनुषाका तेज नारायण महतो, लक्ष्मीनिवास–९ धनुषाका छेदी महतो, बत्तेश्वर–९ धनुषाका सोलेन्द्र महतो, चिसापानी–७ हेटौडा मकवानपुरका रोशनप्रसाद आचार्य, छत्रदेव–३ अर्घाखाँचीका प्रविन भट्टराई र लब्से–८ सिन्धुलीका माइला लामा छन्।
उनीहरुलाई आवश्यक अनुसन्धान तथा कारबाहीको लागि महानगरीय प्रहरी वृत्त गौशाला पठाइएको छ।