एजेन्सी- कोरोनाविरुद्धको खोप कार्यक्रममा इजरायल सबै देशभन्दा अगाडि देखिएको छ।
उसले आफ्ने देशका १० लाख नागरिकलाई खोप प्रदान गरिसकेको बीबीसीले जनाएको छ।
यो विश्वका अन्य देशको भन्दा उच्च दर हो। जनसंख्याका हिसाबले इजरायलले प्रति १०० मध्ये झण्डै १२ जनालाई खोप प्रदान गरिसकेको छ।
इजरायलपछि सबैभन्दा धेरै खोप दिने देश बहराइन हो। उसले प्रति १०० जनामा साढे ३ जनालाई खोप प्रदान गरेको छ। यस्तै बेलायतले प्रति १०० जनामा १.४७ व्यक्तिलाई खोप प्रदान गरेको अक्सफोर्ड विश्वविद्यालयको तथ्यांक छ।
कोरोना भाइरसको संक्रमणबाट विश्वभर हालसम्म १८ लाखभन्दा बढी मानिसको मृत्यु भइसकेको छ।
इजरायलबाहेक बेलायत, अमेरिका, क्यानडा, चीन, डेनमार्कलगायतका देशले आफ्ना नागरिकलाई विभिन्न खोपहरु दिइरहेका छन्।
हाल विश्वका अधिकांश देशमा प्रयोगको अनुमति पाएको खोप बेलायती कम्पनी फाइजर बायोएनटेकको उत्पादन हो।
उक्त खोपलाई विश्व स्वास्थ्य संगठन डब्ल्युएचओले समेत आपतकालीन प्रयोगको अनुमति प्रदान गरेको छ।