एजेन्सी- भारतमा कोरोनाविरुद्धका दुई खोपलाई अनुमति दिइएको छ। बाँकी तीन वटा खोप अनुमति पाउने चरणमा रहेको त्यहाँका केन्द्रीय मन्त्री प्रकाश जावडेकरले बताएका छन्।
एजेन्सीहरुका अनुसार एस्ट्राजेनेका र अक्सफोर्ड युनिभर्सिटीद्वारा उत्पादित कोभिशिल्ड खोपले पहिलो पटक भारतमा अनुमति पाएका छन्।
जावडेकरले भारतमा अरु कम्तीमा ३ वटा खोप अनुमतिको लाइनमा रहेको बताएका छन्।
उनले भने, ‘भारत सायद एक्लो देश हो जहाँ चारवटा खोप तयार भइरहेका छन्, जसमध्ये एउटाले अनुमति पाइसकेको छ र अन्य अनुमति पाउने चरणमा छन्।
भारतमा विभिन्न देशका खोपहरुको उत्पादन भइरहेको छ। ती खोपहरु पुणेमा रहेको सीरम इन्स्टिच्युट अफ इन्डियाले गरिरहेको छ।
अमेरिकापछि भारतमा सबैभन्दा धेरै कोरोना संक्रमित भेटिएका छन्।