समाज

चितवनमा ट्रकको ठक्करबाट हरिणको मृत्यु

चितवन – पूर्वपश्चिम राजमार्गको रत्ननगरमा ट्रकको ठक्करबाट हरिण मरेको छ। 

NLG Insurance
Sampoorna Oil

रत्ननगर नगरपालिका–९, सिँचाइगोट अगाडि आज बिहान ट्रकले हरिणलाई ठक्कर दिएको हो।

जिल्ला प्रहरी कार्यालय चितवनका सूचना अधिकारी प्रहरी नायव उपरीक्षक सूर्य थापाका अनुसार बिहान करिब ४ः३५ बजेको समयमा रौतहटबाट नुवाकोट जाँदै गरेको ना६ख १४६० नम्बरको ट्रकले हरिणलाई ठक्कर दिँदा घटनास्थलमै हरिण मरेको हो।

घटनापछि फरार भएका चालक र ट्रकलाई प्रहरीले भरतपुर महानगरपालिका–१, रामनगरबाट पक्राउ गरेको छ। 

नवलपरासीको देवचुली नगरपालिका–१ बस्ने २४ वर्षीय अनिल कुमाललाई पक्राउ गरिएको प्रहरीले जनाएको छ।

पक्राउ परेका चालक र ट्रकलाई आवश्यक कारबाहीका लागि जिल्ला वन कार्यालय चितवन पठाइएको थापाले जानकारी दिए। रासस

प्रतिक्रिया दिनुहोस्