काठमाडौं– कृषि तथा पशुपक्षी विकास मन्त्री पद्माकुमारी अर्यालले पुँजीको विकास गर्न सबै मानिस श्रममा जोडिनुपर्ने बताएकी छन्। थनेत प्लानेट फार्म प्रालिको शुक्रबार उद्घाटन गर्दै मन्त्री अर्यालले त्यस्तो बताएकी हुन्।
पुँजीको विकास गरेर समाजवादमा जोडिने भन्दै मन्त्री अर्यालले यसका लागि सबै श्रममा अनिवार्य रुपमा जोडिनुपर्ने बताइन्।
श्रमलाई सम्मान गर्ने वातावरणको विकास गर्दै जानुपर्ने अहिलेको आवश्यकता भएको भन्दै उनले किसानलाई सम्मान नगर्ने हिजोको प्रचलनलाई बदलेर अब श्रमलाई सम्मान गर्ने प्रवृत्तिको विकास गर्नुपर्नेमा जोड दिइन्।
विदेश गएर फर्किएका धेरै युवा अहिले व्यावसायिक रुपमा कृषि कर्ममा लागेको बताउँदै उनले अब स्वदेशमै रहेर बेरोजगार भएकाहरुलाई पनि यसतर्फ आकर्षित गर्न आवश्यक रहेको बताइन्।