काठमाडौं– पछिल्लो २४ घण्टामा देशभर ७०८ जना कोरोना संक्रमित थपिएका छन्।
यो सँगै कुल संक्रमितको संख्या २ लाख ५९ हजार ५४८ पुगेको स्वास्थ्य तथा जनसंख्या मन्त्रालयले जनाएको छ। मन्त्रायलको मंगलबारको तथ्यांकअनुसार देशभर सक्रिय संक्रमितको संख्या ६ हजार ३९६ छ।
मन्त्रालयको विवरण अनुसार २४ घण्टामा कोरोनामुक्त भई डिस्चार्ज हुनेको संख्या ७३१ छ । हालसम्म २ लाख ५१ हजार ३१२ जना संक्रमणमुक्त भएका छन्। पछिल्लो २४ घण्टामा मृत्यु हुने कोरोना संक्रमितको संख्या ८ छ ।
हालसम्म १ हजार ८४० जनाको मृत्यु भएको मन्त्रालयले जनाएको छ ।