काठमाडौं- भोलि (शनिबार)बाट दाङको लमहीमा सुरु हुने प्रधानमन्त्री (पीएम) कप महिला टी-२० क्रिकेटको मुख्य प्रायोजन सगरमाथा सिमेन्टले गर्ने भएको छ।
नेपाल क्रिकेट संघ(क्यान)ले आज एक सूचना जारी गर्दै पीएम कप महिला टी–२० क्रिकेटको मुख्य प्रायोजक सगरमाथा सिमेन्ट रहेको बताएको हो।
भोलिबाट सुरु हुने प्रतियोगिता पुसको १९ गतेसम्म चल्नेछ।
यसअघि क्यानले १७ गते सेमिफाइनल खेल र १९ गते फाइनल खेल हुने भनिएकाे थियाे। तर, तालिका परिवर्तन गर्दै १८ र १९ गतै सेमिफाइनल र फाइनल खेल निर्धारण गरिएकाे छ।
त्यस्तै अब सेमिफाइनल खेल र समूह चरणका खेलबीच एक दिनको ‘ब्रेक’ रहनेछ।
फाइनल खेलबाहेक अन्य सबै दिन दुई खेल हुनेछन्।
पहिलो खेल बिहान ९ बजे सुरु हुनेछ भने दोस्रो खेल १ बजे सुरु हुनेछ।