जसपाले जनकपुरधाममा जलायो राष्ट्रपति र प्रधानमन्त्रीको पुतला

जनकपुरधाम– संसद् विघटनको विरोधमा जनकपुरमा राष्ट्रपति विद्यादेवी भण्डारी र प्रधानमन्त्री केपी शर्मा ओलीको पुतला जलाइएको छ। 

जनता समाजवादी पार्टीको पूर्वनिर्धारित कार्यक्रम अनुसार जसपाका नेता कार्यकर्ताहरुले आज प्रधानमन्त्री र राष्ट्रपतिको पुतला दहन गरेका हुन् ।

स्थानीय जनकचोकमा जम्मा भएका नेताहरुले प्रधानमन्त्री र राष्ट्रपतिविरुद्ध चर्को नारावाजी समेत गरेका थिए। कडा सुरक्षाका बीच प्रहरीलाई चुनौती दिँदै जसपाका नेता कार्यकर्ताहरुले उनीहरुको पुतला दहन गरेका हुन्।

संसद् विघटन गरी प्रधानमन्त्री ओलीले गैरसंवैधानिक कदम चालेको भन्दै जसपाका नेता कार्यकर्ताहरुले प्रधानमन्त्रीको निरकुंश प्रवृत्तिविरुद्ध सबै लोकतान्त्रिक शक्तिहरु एकजुट भएर प्रतिवाद गर्नुपर्ने आवश्यकता रहेको बताए।

जसपाले भोलि शनिबार मसाल जुलुस र १२ गते सबै जिल्लामा बृहत् प्रदर्शन गर्ने कार्यक्रम छ।