काठमाडौं- बल्खुमा भ्यानकाे ठक्करबाट एक जना पैदल यात्रीको मृत्यु भएको छ ।
मंगलबार साँझ बल्लुस्थित सीता पेट्रोल पम्प नजिकै बा २१ च ५०६४ नम्बरकमो पिकअप भ्यानले पैदल यात्रुलाई ठक्कर दिएको महानगरीय ट्राफिक प्रहरी महाशाखाले जनाएको छ ।
प्रहरीका अनुसार भ्यानको ठक्करबाट नवलपरासीको देवचुली नगरपालिका १४ का २७ वर्षीय ज्ञानु अधिकारीको मृत्यु भएको हो ।
भ्यानको ठक्करबाट गम्भीर घाइते भएका अधिकारीको बल्खुको वयोधा अस्पतालमा उपचारको क्रममा मृत्यु भएको प्रहरीले जनाएको छ ।
महानगरीय प्रहरी वृत्त कालिमाटीको टोलीले भ्यानसहित चालक राजु तामाङलाई नियन्त्रणमा लिएको छ ।