२४ घण्टामा थपिए ७४३ कोरोना संक्रमित 

काठमाडौं– पछिल्लो २४ घण्टामा ७४३ जना कोरोना संक्रमित थपिएका छन्। 

योसँगै कुल संक्रमितको संख्या २ लाख ५५ हजार ९७९ पुगेको स्वास्थ्य तथा जनसंख्या मन्त्रालयले जनाएको छ। 

मन्त्रायलको  बुधबारकोे तथ्यांकअनुसार २४ घण्टामा ६ हजार ५५९ पीसीआर परीक्षण गर्दा २७९ महिला र ४६४ जना पुरुषमा कोरोना पुष्टि भएको हो। 

हाल देशभर सक्रिय संक्रमितको संख्या ७ हजार ५१५ रहेको मन्त्रालयले जनाएको छ।  

मन्त्रालयको विवरणअनुसार २४ घण्टामा कोरोनामुक्त हुनेको संख्या ९५२  छ।

हालसम्म २ लाख ४६ हजार ६६१ जना संक्रमणमुक्त भएका छन्।  

पछिल्लो २४ घण्टामा पाँच जनाको कोरोना संक्रमणका कारण मृत्यु भएको छ। कोरोनाबाट कुल १ हजार ८०३ जनाको मृत्यु भएको मन्त्रालयले जनाएको छ ।