काठमाडौं– राष्ट्रिय प्रजातन्त्र पार्टीका अध्यक्ष कमल थापाले आफ्नो पार्टीको एजेन्डाले मात्र मुलुकलाई निकास दिने बताएका छन्।
काठमाडौंमा आयोजित आन्दोलन तयारी बैठकलाई मंगलबार सम्बोधन गर्दै थापाले मुलुक संकटको दलदलमा भासिएको चर्चा गर्दै राप्रपाको एजेन्डा र मार्गचित्रबाट मात्र मुलुकले निकास पाउने दाबी गरेका हुन्।
उनले भने, ‘अहिलेको संकट कम्युनिस्ट र कांग्रेसबाट भएको हो। अब यी दलबाट मुलुकको निकास सम्भव छैन।’
मुलुकलाई निकास दिनको लागि सबै राष्ट्रवादी शक्ति एकजुट भएर राप्रपाको नेतृत्व र झण्डामा गोलबन्द हुन थापाले आग्रह पनि गरे।
कार्यक्रममा बोल्दै राप्रपा अध्यक्ष पशुपतिशमशेर राणाले कांग्रेस र कम्युनिस्टले मुलुक सञ्चालन गर्न नसक्ने बताए।
राजसंस्था र हिन्दूराष्ट्र पुनःस्र्थापना गर्नको लागि सबै तह र तप्कामा सक्रियताको आवश्यकता भएकोसमेत राणाको भनाइ थियो।
अर्का अध्यक्ष डा. प्रकाशचन्द्र लोहनीले संसदको विघटन अलोकतान्त्रिक र असंवैधानिक भएको भन्दै सर्वोच्च अदालतको फैसला कुर्नुपर्ने बताए।
उनले भने, ‘मुलुकलाई असफताको बाटोमा लान खोजिएको छ। त्यो हुन नदिन राप्रपा बलियो हुनुपर्छ।’