काठमाडौं– नेपाल कम्युनिष्ट पार्टीका कार्यकारी अध्यक्ष पुष्पकमल दाहालले उपाध्यक्ष बामदेव गौतम र नेता रामबहादुर थापा आफ्नो समूहमा आउने बताएका छन्।
मंगलबार आफू र माधव नेपाल समूहको केन्द्रीय कमिटीको बैठकलाई सम्बोधन गर्दै दाहालले आधिकारिक पार्टी आफ्नो समूहसँग भएकोले दुवैजनाले आफूलाई साथ दिने बताएका हुन्।
केन्द्रीय कमिटीमा हुनुपर्ने सबै प्रावधान यो समूहसँग भएकोले दुवैजना वैधानिक पार्टीमा आउने दाहालले दाबी गरे।
दाहालले गौतम र थापा दुवै आफूले विश्वास गरेको नेता भएकोले आफ्नो समूहमा आउन आग्रह पनि गरेका छन्।