काठमाडौं– नेकपा कार्यकारी अध्यक्ष पुष्पकमल दाहाल र वरिष्ठ नेता माधवकुमार नेपाल समूहको संसदीय दलको बैठक ८ गते बुधबार बस्ने भएको छ।
१ बजे तय भएको उक्त बैठकले संसदीय दलमा नयाँ नेता चयन गर्ने भएको हो।
संसद भवन बानेश्वरमा आफ्ना समूहका सांसदको भेलालाई सम्बोधन गर्दै अध्यक्ष दाहालले संसदीय दलका नेता केपी शर्मा ओलीलाई हटाएर नयाँ नेता चयन गर्नुपर्ने बताएका हुन्।
यसअघि भोलि ७ गते दाहाल–नेपाल समूहका केन्द्रीय कमिटीको बैठक बस्ने भएको छ।
उक्त बैठकले पार्टी नीति विपरीत संसद् विघटन गरेको भन्दै अध्यक्ष एवं प्रधानमन्त्री केपी शर्मा ओलीलाई कारबाही गर्ने छ।