२४ घण्टामा थपिए ७४२ कोरोना संक्रमित 

काठमाडौं– पछिल्लो २४ घण्टामा देशभर ७४२ जना कोरोना संक्रमित थपिएका छन्।

यससँगै हालसम्म  संक्रमितको संख्या २ लाख ५४ हजार ५१४ पुगेको छ। देशभर सक्रिय संक्रमितको संख्या ७ हजार ९७६ रहेको स्वास्थ्य मन्त्रालयले जनाएको छ।  

मन्त्रालयको विवरण अनुसार २४ घण्टामा कोरोनामुक्त भई डिस्चार्ज हुनेको संख्या १ हजार ७९ छ। हालसम्म २ लाख ४४ हजार ७४३ जना संक्रमणमुक्त भएका छन्।

पछिल्लो २४ घण्टामा मृत्यु हुने कोरोना संक्रमितको संख्या ७ छ। हालसम्म १ हजार ७९५ जनाको मृत्यु भएको मन्त्रालयले जनाएको छ।