चुनावबारे आयोगसँग छलफल थाले प्रधानमन्त्रीले

काठमाडौं– प्रधानमन्त्री केपी ओलीले मध्यावधि निर्वाचनको घोषणा गरेसँगै यसबारे निर्वाचन आयोगका प्रमुख आयुक्त र आयुक्तहरुसँग छलफल थालेका छन्। 

आजमात्रै चुनाव घोषणा गरेका प्रधानमन्त्रीले आजै उनीहरुलाई आफ्नो निवासमा बोलाएर छलफल गरेको प्रमका प्रेस सल्लाहकार सूर्य थापाले जानकारी दिए। 

छलफलमा गृहमन्त्री रामबहादुर थापा, अर्थमन्त्री विष्णु पौडेल र नेकपा नेता सुवास नेम्वाङ पनि सहभागी थिए।

सरकारको सिफारिसमा आज राष्ट्रपति विद्यादेवी भण्डारीले संसद् विघटन गर्नुका साथै आगामी वैशाख १७ र २७ गते निर्वाचनको घोषणा गरेकी छन्।