नेफेजमा फेरि विश्वकर्मा

काठमाडौं- नेपाल वातावरण पत्रकार समूह (नेफेज) को ३५औँ साधारणसभाले सर्वसम्मतबाट कसमस विश्वकर्माको अध्यक्षतामा दुई वर्षका लागि ११ सदस्यीय नयाँ कार्यसमिति चयन गरेको छ । साधारणसभाले कोभिड–१९ महामारीका कारण भर्चुअल मिटिङ मार्फत साधारणसभा सम्पन्न गरेको हो। 

शुक्रबार सम्पन्न साधारणसभाले अध्यक्ष विश्वकर्मासहित उपाध्यक्षमा चन्द्रशेखर कार्की, महासचिवमा निमेष रेग्मी, सचिवमा प्रगति ढकाल, कोषाध्यक्षमा सविन शर्मालाई चयन गरेको छ । 

सदस्यमा महिलातर्फ सृष्टि काफ्ले र सुजाता कार्की, पुरुषतर्फ छेटु शेर्पा र रविन सायमी चयन भएका छन् छ भने विज्ञ सदस्यमा महिलातर्फ मधुदेवी घिमिरे र पुरुषतर्फ बटुकृष्ण उप्रेती चयन भएका छन्।

यसैगरी लेखा समितिमा गोपाल तिवारीको संयोजकत्वमा सोमनाथ लामिछाने र रञ्जना पौडेल चयन भएका छन्। 

नेफेजले यस वर्षको वातावरण पत्रकारिता पुरस्कार आयोमेलमा कार्यरत पत्रकार यम बमलाई प्रदान गरेको छ । 

नयाँ कार्यसमितिमा विज्ञ महिला सदस्य घिमिरे र महिला सदस्य सृष्टि काफ्लेबाहेक अन्य पदाधिकारी तथा सदस्य अघिल्लो कार्य समितिमा पनि थिए।

साधारणसभाले समुहका तत्कालित सदस्य मुराहरी शिवाकोटीलाई मानार्थ सदस्यता प्रदान गरेको छ । साधारणसभामा गत एक वर्षमा भए÷गरेका कामकारबाही बारे महासचिव निमेष रेग्मी, आयव्यय विवरण कोषाध्यक्ष सविन शर्माले तथा लेखा समितिको प्रतिवेदन लेखा समितिका संयोजक गोपाल तिवारीले प्रस्तुत गरेका थिए।