नौ महिनापछि खुलेको पशुपतिनाथ मन्दिर (भिडियो)

कोरोना महामारीका कारण गएको चैत महिनादेखि बन्द रहेको पशुपतिनाथ मन्दिर बुधबारबाट खुला भएको छ। 

मन्दिर खुलेसँगै बुधबार विहानैबाट श्रद्धालुहरु मन्दिर पुगेका छन्। यद्यपि खुलेको दोस्रो दिन बिहीबारसम्म सामान्यकालको जस्तो घुइँचो छैन। 

लामो समयसम्म मन्दिर बन्द राखिएपछि मंगलबार पशुपति क्षेत्र विकास कोषले क्षमापूजा गरेको थियो। 

मन्दिर प्रवेश गर्दा सबैलाई हात स्यानिटाइज गर्नु र मास्क लगाउनु अनिवार्य गरिएको छ। मन्दिरमा हुने विशेष पूजा र भजनकीर्तन लगायतका गतिविधि भने अझै पनि बन्द नै छन्। 

मन्दिर पुग्ने श्रद्धालुले सजिलै दर्शन गर्न पाइएको र मन्दिर परिषर पनि पहिले भन्दा व्यवस्थित र सफा भएको बताएका छन्।