कोरोनाको लक्षण देखिए तत्काल अस्पताल जानू– स्वास्थ्य मन्त्रालय

काठमाडौं– स्वास्थ्य तथा जनसंख्या मन्त्रलायले कोरोना भाइरसको लक्षण देखापरेका व्यक्तिलाई तत्काल अस्पताल जान आग्रह गरेको छ। 

मन्त्रालयका प्रवक्ता डा. जागेश्वर गौतमले कोरोनाको लक्षण देखिएपछि अस्पताल गएर संक्रमण फैलनबाट रोक्न आग्रह गरेका हुन्। 

लक्षण देखिएका व्यक्ति पनि परीक्षण गर्न नजाने तथा उपचारमा जान छोडेकाले मन्त्रालयले अस्पताल जान आग्रह गरको हो। 

कोभिड–१९ को जोखिम कम नभएको भन्दै प्रवक्ता गौतमले जनस्वास्थ्यका मापदण्डको पालना गर्न आग्रह गरेका छन्। 

त्यस्तै संक्रमण देखिएर १४ दिन आइसोलेसनमा बसिसकेपछि लक्षण नभए पुनः परीक्षण आवश्यक नपर्ने पनि मन्त्रालयले जनाएको छ।