काठमाडौं– प्रधानमन्त्री एवम् नेकपा अध्यक्ष केपी शर्मा ओली पार्टी स्थायी कमिटी बैठकमा सहभागी भएका छन्।
कार्यकारी अध्यक्ष पुष्पकमल दाहाल र महासचिव विष्णु पौडेलसँग छलफलपछि ओली बैठक स्थलमा प्रवेश गरेको स्थायी कमिटी सदस्य लीलामणि पोखरेलले बताए।
यसअघि अध्यक्ष ओली स्थायी कमिटी बैठकमा सहभागी नभएपछि उनीसँग अध्यक्ष दाहाल र महासचिव पौडेलले छुट्ट छलफल गरेका थिए।
प्रधानमन्त्री ओली यसअघि अध्यक्ष दाहालद्वारा ल्याइएको राजनीतिक प्रस्ताव (आरोपपत्र) फिर्ता नलिएसम्म बैठकमा सहभागी नहुने अडानमा थिए।
दाहाल भने नेकपामा उत्पन्न विवाद बैठकबाटै समाधान गर्नुपर्ने पक्षमा छन्।
बिहान दुई अध्यक्ष ओली र दाहालबीच भेटवार्ता भएको थियो। उक्त छलफलमा पनि महासचिव पौडेल सहभागी थिए।