कांग्रेस नेतृत्वलाई गगनको सुझाव– प्रधानमन्त्री बरालिए, संसद् बोलाउन बाध्य पारौं  

काठमाडौं– नेपाली कांग्रेसका नेता गगन थापाले सभापति शेरबहादुर देउवालगायत पदाधिकारीलाई संसद अधिवेदन बोलाउन मागसहितको निवेदन आजै दर्ता गर्न आग्रह गरेका छन्। 

थापाले प्रधानमन्त्री केपी शर्मा ओली बरालिएको भन्दै उनलाई बाँध्नको लागि संसद अधिवेशन बोलाउन बाध्य पानुपर्ने बताएका हुन्। 

नेपाली कांग्रेसको पदाधिकारी बैठक अहिले सभापति देउवा निवास बुढानिलकण्ठमा बसिरहेको छ। 

पार्टी पदाधिकारीलाई आग्रह गर्दै थापाले भनेका छन्, ‘उपसभामुख नभएसम्म संवैधानिक परिषद् बैठकमा नजाऔँ, संसदमा उपसभामुखको निर्वाचन गर्न बाध्य पारौँ।’ 

थापाले उपसभामुखको निर्वाचन नगरेसम्म संसदको गतिविधि ठप्प पार्नुपर्ने पनि बताएका छन्। 

विगतमा यी विषयलाई मनन् नगरेको कारण आजको परिस्थिति आएको थापाले टिप्पणी गरेका छन्।

उनले संसद् र सडकबाट सरकारले ल्याएको अध्यादेश फिर्ता गर्न बाध्य पार्नुपर्ने पनि जनाएका छन्।