औषधिको कच्चा पदार्थ पैठारीका लागि दरखास्त दिन विभागको आह्वान

काठमाडौं- औषधि उत्पादनमा प्रयोग हुने कच्चा पदार्थ लगायत अन्य पदार्थहरुको पैठारी गर्न चाहनेलाई औषधि व्यवस्था विभागले दरखास्त दिन आह्वान गरेको छ। 

विभागले सूचना जारी गर्दै कच्चापदार्थ पैठारी गर्न चाहने व्यक्तिले औषधि दर्ता (तेस्रो संशोधन) नियमावली, ०७७ मा उल्लेख भए अनुसार कागजातहरू पेस गर्नुपर्ने जनाएको छ ।

औषधि उत्पादनमा प्रयोग हुने मुख्य कच्चा पदार्थ, सहायक कच्चा पदार्थ, प्याकेजिङ मेटेरियल्स, औषधि विश्लेषण गर्न प्रयोग हुने लगायतका पदार्थको पैठारी गर्न चाहने व्यक्तिलाई दरखास्त दिन आह्वान गरेको हो।