काठमाडौं– प्रमुख प्रतिपक्षी दल कांग्रेसको पदाधिकारी बैठक आज (बुधबार) दिउँसो १ बजे बस्ने भएको छ।
सभापति शेरबहादुर देउवाको निजी निवास बुढानिलकण्ठमा बैठक बस्न लागेको हो।
बैठकमा सरकारले ल्याएको अध्यादेश र देशभर कांग्रेसले गरेको विरोधसभाको समीक्षा तथा अन्य समसामयिक विषयमा छलफल हुने बताइएको छ।
बैठकमा पदाधिकारी र पूर्वपदाधिकारी सहभागी हुने पार्टी सचिवालयले जनाएको छ।
कोरम नपुगेर पटक–पटक संवैधानिक परिषद् बैठक स्थगित भएपछि सरकारले मंगलबार राष्ट्रपतिसमक्ष संवैधानिक परिषद्सम्बन्धी अध्यादेश जारी गर्न सिफारिस गरेलगत्तै राष्ट्रपतिले अध्यादेश जारी गरेकी थिइन्। जारी अध्यादेशमा परिषद् बैठकका लागि गणपुरक संख्या ३ जनामात्र भए हुने व्यवस्था गरिएको छ।