काठमाडौं– पछिल्लो २४ घण्टामा ९३६ जना कोरोना संक्रमित थपिएका छन्।
स्वास्थ्य तथा जनसंख्या मन्त्रालयको मंगलबारको तथ्यांकअनुसार जम्मा संक्रमितको संख्या २ लाख ५० हजार १८० पुगेको छ भने देशभर सक्रिय संक्रमितको संख्या ९ हजार ८८१ रहेको छ।
मन्त्रालयको विवरणअनुसार २४ घण्टामा कोरोनामुक्त भई डिस्चार्ज हुनेको संख्या १ हजार ९९६ रहेको छ।
हालसम्म २ लाख ३८ हजार ५६९ जना संक्रमणमुक्त भएका छन्। पछिल्लो २४ घण्टामा मृत्यु हुने कोरोना संक्रमितको संख्या १४ छ । हालसम्म १ हजार ७३० जनाको मृत्यु भएको मन्त्रालयले जनाएको छ ।