काठमाडौं– नेपाली कांग्रेसका वरिष्ठ नेता रामचन्द्र पौडेलले संवैधानिक परिषद्सम्बन्धी अध्यादेश जारी भएपछि सरकार सर्वसत्तावाद र निरंकुशतातर्फ सरकार अगाडि बढेको पुष्टि भएको बताएका छन्।
वरिष्ठ नेता पौडेलले संवैधानिक परिषद्को मूल मर्मविपरीत प्रधानमन्त्री केपी शर्मा ओलीले संवैधानिक निकायमा आफू अनुकूलका मानिस भर्ती गर्ने कुत्सित नियतका साथ अध्यादेश ल्याएको टिप्पणी गरेका हुन्।
उनले निकट भविष्यमा सुरु हुन लागेको संसद अधिवेशनलाई छल्न हतारमा संवैधानिक परिषद्सम्बन्धी अध्यादेश जारी गरेर सरकार सर्वसत्तावाद र निरंकुशतातर्फ अगाडि बढेको बताए। उनले सरकारको कदमको विरोध गर्दै तुरुन्त संसदको बैठक बोलाएर अध्यादेश खारेज गर्न माग गरेका छन्।