अंग्रेजीका प्रख्यात जासुसी उपन्यासकार जोन ले कारको ८९ वर्षको उमेरमा निधन भएको छ।
उनले शीतयुद्धकालीन संसारलाई जासुसी उपन्यासमार्फत निकै कलात्मक रूपमा प्रस्तुत गरेका छन्।
उनका ‘स्पाई हु केम इन फ्राम द कोल्ड’, ‘टिंकर टेलर सोल्जर स्पाई’ र ‘द अनरेबल स्कुलब्वाइ’ चर्चित जासुसी उपन्यास हुन्।
उनका पुस्तक १९६० पछि हरेक दशक सर्वाधिक बिक्री भएको सूचीमा पर्दथे।
अंग्रेजीका उपन्यासकार स्टिफन किङले ट्विटरमा लेखेका छन्, ‘जोनको निधनले यो वर्ष निकै दुःखद बनेको छ।’
लेखिका मार्गरेट एटवुडले भनेकी छन्, ‘जोनको निधनले निकै दुःख लागेको छ। उनका उपन्यास २० औं शताब्दीको जासुसी संसारबारे बुझ्न अहम् भूमिका खेलेका छन्।’ -बीबीसी