काठमाडौं– काठमाडौं–हङकङ उडानभन्दा ४८ घण्टाअघिको पीसीआर रिपोर्ट अनिवार्य गरिएको छ।
नेपाल एयरलाइन्सले आइतबार सूचना जारी गर्दै उडानअघि सरकारी प्रयोगशालाले दिएको पीसीआर नेगेटिभको प्रमाण पेस गर्न अनुरोध गरेको हो।
यसअघि ७२ घण्टासम्मको नेगेटिभ रिपोर्ट भएकाहरू हङकङ उडान गर्दै आएका थिए।
१५ मंसिरमा काठमाडौंबाट नेगेटिभ रिपोर्ट लिएर गएका केही यात्रुमा हङकङ पुगेपछि कोरोना पोजेटिभ देखिएको थियो।
त्यसपछि हङकङले नेपाल एयरलाइन्सलाई १५ दिनको लागि उडान प्रतिबन्ध लगाएको छ।