ललिता निवास जग्गा प्रकरण : अख्तियारका पूर्व आयुक्त अदालतमा उपस्थित

काठमाडौं– बालुवाटारस्थित ललिता निवास जग्गा प्रकरणमा अभियोग लागेका अख्तियार दुरुपयोग अनुसन्धान आयोगका पूर्वप्रमुख दीप बस्न्यात विशेष अदालतमा उपस्थित भएका छन्।

विशेष अदालतमा प्रवक्ता पुष्पराज पाण्डेयका अनुसार आज उनी अदालतमा उपस्थित भएका हुन्। 

उनीसँग विशेष अदालतको इजलासमा बयान लिने क्रम शुरु भएको छ। बयानपछि आजै थुनछेक बहस हुनेछ। थुनछेक बहस सकिएपछि अदालतले साधारण तारेख, धरौटी अथवा पूर्पक्षका लागि थुनामा पठाउन सक्नेछ।

अहिलेसम्म अदालतमा बयानका लागि उपस्थित भएकाहरुलाई धरौटी माग गर्दै आइरहेको छ। केही दिनअघि अदालतमा बयानका लागि उपस्थित भएका पूर्वमन्त्री चन्द्रदेव जोशीलाई भने साधारण तारेखमा छाड्ने अदालतले निर्णय गरेको थियो।