धनगढी- ट्रकमा सामान लोड गर्ने क्रममा लडेर कैलालीमा एक जनाको मृत्यु भएको छ।
जिल्लाको गोदावरी नगरापालिका–४ का २८ वर्षीय खडकबहादुर खत्रीको मृत्यु भएको प्रहरीले जनाएको छ।
शुक्रबार ना ६ प १९३४ नम्बरको ट्रकमा सामान लोड गर्ने क्रममा लडेर घाइते खत्रीको सेती प्रादेशिक अस्पताल धनगढीमा उपचारका क्रममा मृत्यु भएको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक प्रतीक बिष्टले बताए ।