क्रिकेटर पारस खड्कालाई कोरोना संक्रमण 

काठमाडौं- नेपाली राष्ट्रिय क्रिकेट टोलीका पूर्व कप्तान पारस खड्कालाई कोरोना संक्रमण भएको छ।

दुई दिनयता कोरोनाका लक्षण देखिएपछि पारसले आज (शुक्रबार) बिहान कोरोना परीक्षण गराएका थिए।

उनले बिहान परीक्षणका लागि स्वाब दिएको र रिपोर्ट पोजेटिभ आएको सामाजिक सञ्जाल फेसबुक मार्फत् जानकारी गराएका छन्।

उनले कोरोना पुष्टि भएपछि आफू चिकित्सकीय नियमहरु पालना गरेर होम आइसोलेसनमै बसेको बताएका छन्।

आफू कोरोना संक्रमण भएपछि चितवनमा भोलि सुरु हुने गौतम बुद्ध कप क्रिकेटमा सहभागी हुन नपाउने भएको भन्दै दुःख व्यक्त गरेका छन्।