२४ घण्टामा थपिए १ हजार ४४ कोरोना संक्रमित 

काठमाडौं- पछिल्लो २४ घण्टामा १ हजार ४४ जना कोरोना संक्रमित थपिएका छन्।

आज (शुक्रबार) को स्वास्थ्य तथा जनसंख्या मन्त्रालयको तथ्यांकअनुसार थप १ हजार ४४ जनामा कोरोना संक्रमण पुष्टि भएको हो। 

यससँगै हालसम्म जम्मा संक्रमितको संख्या २ लाख ४६ हजार ६९४ पुगेको छ भने देशभर सक्रिय संक्रमितको संख्या १२ हजार १४८ रहेको मन्त्रालयले जनाएको छ।

मन्त्रालयको विवरणअनुसार २४ घण्टामा कोरोनामुक्त भई डिस्चार्ज हुनेको संख्या १ हजार २७१ रहेको छ। हालसम्म २ लाख ३२ हजार ८७२ जना संक्रमणमुक्त भएका छन्।

पछिल्लो २४ घण्टामा मृत्यु हुने कोरोना संक्रमितको संख्या ११ छ। हालसम्म १ हजार ६७४ जनाको मृत्यु भएको मन्त्रालयले जनाएको छ।