काठमाडौं- नेपाली राष्ट्रिय फुटबल टिमका हेड कोच योहान कालिनले दिएको राजीनामा स्विकृत गरेको अखिल नेपाल फुटबल संघ(एन्फा)ले जनाएको छ ।
एन्फाको हिजो(बिहीबार) बसेको केन्द्रीय समितिको बैठकले उनको राजीनामा स्विकृत गर्दै अहिलेका लागि बालगोपाल महर्जनलाई कार्यवाहक प्रशिक्षकको जिम्मवारी दिने बताएको छ।
कोराना महामारी अघि स्वदेश फर्किएका कालिन महामारीका कारण नेपाल फर्कन पाएका थिएनन्। यसकारण उनले प्रशिक्षणका लागि नेपालमा उपस्थित हुन नसेको बताउँदै उनले राजीनामा माग गरेका थिए।
एन्फाले नोभेम्बर १ बाट लागू हुने गरि राजीनामा स्विकृत गरेको बताएको हो।
त्यस्तै बिहीबार बसेको एन्फाको बैठकले विश्वकप २०२२ र एसियाकप २०२३ को संयुक्त छनोटका लागि नेपालमा हुन लागेको तीन खेलको प्रशिक्षण मंसिर २८ बाट हुने निर्णय गरेको बताएको छ।
अब एन्फाले साधारण सभा माघमा गर्ने गरि राष्ट्रिय खेलकुद परिषद्(राखेप)सँग स्विकृति माग्ने बताएको छ।