टाेकियाे। जापानको राजधानी टोकियोमा पहिलोपटक एकैदिन ६०२ जना कोरोना भाइरस सङ्क्रमित भेटिएका छन्।
दैनिक सङ्क्रमितको सङ्ख्यामा अत्यधिक वृद्धि भएपछि उच्च सतर्कता अपनाउन स्वास्थ्यकर्मीहरूले सबैलाई आग्रह गरेका छन्।
टोकियोमा मात्रै ६०२ जना सङ्क्रमित भएको दिन देशभरि भने दुई हजार ८१० जना सङ्क्रमित भएका छन्।
जापानमा कोरोना भाइरसको सङ्क्रमण सुरु भएदेखि अहिलेसम्म कुल एक लाख ६८ हजार ५७३ जना कोरोना भाइरसबाट सङ्क्रमित भएका छन् भने दुई हजार ४६५ जनाको मृत्यु भएको छ।
‘अवस्था अझै सामान्य भएको छैन, बरु थप गम्भीर भएको छ, यसलाई हेलचेक्य्राइँ नगरौँ,’ टोकियोका गभर्नर यूरीको कोइकेले भने।
उनले अत्यावश्यक काम बाहेक घर बाहिर ननिस्कन पनि सबैलाई आग्रह गरेका छन्। रासस