खेलकुद

मिनाशको सानदार प्रदर्शनमा प्रदेश १ को सान्त्वना जित

1611310079.jpg

काठमाडौं- मिनाश थापाले सानदार प्रदर्शन गर्दा प्रधामनमन्त्री कप एकदिवसीय क्रिकेटअन्तर्गत (शुक्रबार) सम्पन्न खेलमा प्रदेश १ ले सान्त्वना जित निकालेको छ।

NLG Insurance
agrakhi
Yeti parketing

२१६ रनको लक्ष्य पछ्याएको कर्णाली प्रदेशविरुद्ध प्रदेश १ ले ५९ रनको जित निकालेको हो।

जितका लागि १० ओभर बलिङ गरेका थापाले दुई मेडन राख्दै २६ रन दिएर पाँच विकेट गिराए। कर्णाली प्रदेश ३५ ओभरमा पुरा विकेट गुमाएर १५६ रनमा समेटियो।

त्यसअघि टस जितेर ब्याटिङ रोजेको प्रदेश १ ले पुरा ओभर खेल्दै ९ विकेटको क्षतिमा २१५ रन जोडेको थियो।
पहिलो इनिङमा सिद्धान्त लोहनीले ६६ रन बनाए भने सुभांकर उरावले ३६ रन जोडे। त्यस्तै, मिनाश थापाले २५ रन बनाउँदा सरवन यादवले १७ रन जोडे।

बलिङतर्फ कर्णालीका दिनेश अधिकारी र अनुज चुनराले समान २–२ विकेट लिए। त्यस्तै कप्तान रविन्द्र शाहीले तीन विकेट गिराए।
जवाफी ब्याटिङमा विपिन रावलले ४७ रन बनाए भने निश्चल कँडेल र रविन्द्र शाहीले क्रमश : ३१ र १८ रन जोडे।

प्रदेश १ का लागि थापाबाहेक दिपेश कँडेलले तीन विकेट लिए।

समूह ए अन्तर्गतको प्रदेश १ लगतार तीन हार बेहोर्दै यसअघि नै बाहिरिसकेको छ। उसले अन्तिम खेलमा भने जित निकाल्दै दुई अंक जोड्यो।

सेमिफाइनल प्रवेशका लागि अंकतालिकामा विभागिय टिम आर्मी र एपीएफसँग प्रतिस्पर्धामा रहेको कर्णाली पनि आजको हारसँगै बाहिरिने लगभग पक्का भएको छ।

प्रतिक्रिया दिनुहोस्