काठमाडौं – बन्द प्रशिक्षणमा सम्मिलित राष्ट्रिय क्रिकेट टिमका खेलाडीले पूर्व राष्ट्रिय क्रिकेट खेलाडी सुनिल ढुंगानालाई श्रद्धाञ्जली अर्पण गरेका छन्।
पूर्वखेलाडी, राष्ट्रिय अम्पायर तथा रुपन्देही जिल्ला क्रिकेट संघका सल्लाहकार ढुंगानाको मंगलबार निधन भएको थियो। खेलाडीले आजको अभ्यासपूर्व श्रद्धाञ्जली अर्पण गरेका हुन्।
ढुंगानाको सम्झनामा बन्द प्रशिक्षण सुरु भएको १४ औ दिन खेलाडीले श्रद्धाञ्जली दिँदै प्रशिक्षण सुरु गरेका छन्।
कोराना महामारीका कारण गत चैतबाट लकडाउन सुरु भएसँगै नेपाली क्रिकेट टिमले सामूहिक अभ्यास गर्न पाएको थिएन्। गत असोजमा मात्र नेपाल सरकारले खेलकुद गतिविधि खुलाउने निर्णय गरेसँगै मंसिर ११ बाट राष्ट्रिय टिमको प्रशिक्षण सुरु भएको हो।
नेपालमा आगामी पुस ११ गतेबाट प्रधानमन्त्री कप क्रिकेट प्रतियोगिता पनि सुरु हुँदै छ। त्यसका लागि पुरुष तथा महिला खेलाडीको जिल्ला छनोटका खेल भइरहेका छन्।
त्यस्तै, क्यानले राष्ट्रिय टोलीको प्रशिक्षण नियुक्त गर्ने काम पनि अन्तिम चरणमा पुर्याएको छ। प्रशिक्षण छनोटमा ७२ जनाले आवेदन दिएका थिए। उनीहरुको आवेदन छनोटका दुई चरणमा पार गर्दै तीन जनाको नाम आईसीसीमा पठाइएको छ।