काठमाडौं- जारी च्याम्पियन्स लिगमा प्रिमियर क्लब चेल्सीले अपराजित यात्रा कायम राखेको छ।
समूह चरणका सबै खेल सकिदा चेल्सीले चार जित र दुई बराबरी खेलेर अपराजित रहँदै १४ अंक समेत बनाएको छ। १४ अंकसहित ऊ समूह ईको शीर्षस्थानमा छ।
घरेलु मैदानमा मंगबार राति सम्पन्न खेलमा रसियन क्लब क्रस्नोदरसँग १–१ गोलको बराबरी खेल्दै चेल्सीले अपराजित यात्रा कायम गरेको हो।
खेलको २४ औं मिनेटमै क्रस्नोदरका तर्फबाट रिमी क्याबेलाले गोल गर्दै पाहुना टिमलाई अग्रता दिलाएका थिए। तर पेनाल्टीमा पाएको अवसरको सदुपयोग गर्दै चेल्सीले खेललाई बराबरीमा ल्यायो।
एक गोलले पछि परेको अवस्थामा क्रस्नोदरका किइयोले टमी अब्राहमलाई डि बक्सभित्र लाडाएपछि चेल्सीले पेनाल्टी पाएको थियो। पेनाल्टीको सदुपयोग गर्दै जर्गिन्होले गोल गरेर खेललाई बराबरीमा ल्याए।
पहिलो हाफमा बराबरी भएको खेल दोस्रो हाफ पनि सोही नतिजाका साथ टुंगिएको हो।
त्यस्तै समूह ईकै अर्को खेलमा स्पेनिस क्लब सेभियाले फ्रेन्च क्लब रेन्निसलाई ३–१ गोलले पराजित गरेको छ।
जितसँगै सेभियाले समूह चरणमा १३ अंक बनाएको छ। ऊ एक खेल अगावै लिगको अघिल्लो चरणमा प्रवेश गरिसकेको छ।