विराटनगर– पछिल्लो २४ घण्टामा प्रदेश १ मा १६५ जना कोरोना संक्रमित थपिएका छन्।
८५४ जनाको पीसीआर परीक्षण गर्दा ७१ महिला र ९४ पुरुषको रिपोर्ट पोजेटिभ आएको हो।
सुनसरीमा ७१, मोरङमा ४६, झापामा २०, संखुवासभामा ९, इलाममा ४, पाँचथरमा ३, धनकुटा, भोजपुर र उदयपुरमा १–१ र प्रदेश १ बाहिरका ९ जना रहेको सामाजिक विकास मन्त्रालयले जनाएको छ।
प्रदेश १ मा मंगलबार ९७ जना डिस्चार्ज भएका छन्। होम आइसोलेसनबाट ९१, वीपी कोइराला स्वास्थ्य विज्ञान प्रतिष्ठानबाट ४, मेची अस्पताल र विराट मेडिकल कलेजबाट १–१ जना डिस्चार्ज भएका हुन्। हालसम्म डिस्चार्ज हुनेको संख्या २३ हजार ३४३ पुगेको छ।