काठमाडौं– पछिल्लो २४ घण्टामा देशभर १ हजार ३८२ जना कोरोना संक्रमित थपिएका छन्।
स्वास्थ्य तथा जनसंख्या मन्त्रालयका अनुसार योसँगै हालसम्म संक्रमितको संख्या २ लाख ४३ हजार ३७७ पुगेको छ। अहिले देशभर सक्रिय संक्रमितको संख्या १२ हजार ६८६ छ।
त्यसैगरी २४ घण्टामा कोरोनामुक्त भई डिस्चार्ज हुनेको संख्या १ हजार ६२१ छ। हालसम्म २ लाख २९ हजार ५४ जना संक्रमणमुक्त भएका छन्।
पछिल्लो २४ घण्टामा मृत्यु हुने कोरोना संक्रमितको संख्या २३ छ। हालसम्म १ हजार ६३७ जनाको मृत्यु भएको मन्त्रालयले जनाएको छ।