काठमाडौं- नेपाली कांग्रेसका युवा नेता धनराज गुरुङले प्रधानमन्त्री केपी शर्मा ओलीले बोलाएको सर्वदलीय बैठकको औचित्य नभएको बताएका छन्।
गुरुङले ट्वीटगर्दै ओलीले मंगलबारका लागि बोलाएको सर्वदलिय बैठकको औचित्य नभएको बताएका हुन्।
उनले आफ्नै पार्टीका नेताहरुले भ्रष्टचारीको आरोप लगाएपछि पार्टीकै बैठकमा समेत जान छोडेका ओलीले बोलाएको बैठकको कुनै अर्थ नभएको जिकिर गरेका छन्।
गुरुङले कांग्रेस सभापति देउवालाई भ्रष्टाचार विरुद्ध कांग्रेसकै नेतृत्वमा मोर्चाबन्दी कस्न आग्रह समेत गरेका छन्।
'आफ्नै पार्टीका नेताहरुले भ्रष्टाचारीको आरोप लगाएपछि पार्टीकै बैठकमा उपस्थित हुन छाडेका प्रधानमन्त्रीले बोलाएको सर्वदलीय बैठकको औचित्य छैन। बरु यतिखेर सर्वदलीय बैठक त प्रमुख प्रतिपक्ष दल कांग्रेसकै नेतृत्वमा भ्रष्टाचार बिरुद्ध मोर्चाबन्दी कस्नका लागि आवश्यक छ', गुरुङले भनेका छन्।