बारामा कोरोना संक्रमित एक महिलाको मृत्यु

पर्सा– बारामा कोरोना संक्रमित एक महिलाको मृत्यु भएको छ। 

बाराको जितपुरसिमरा उपमहानगरपालिका वडा नम्बर ४ कि ७१ वर्षिया महिलाको आज मत्यु भएको नेशनल मेडिकल कलेज प्रशासनले जनाएको छ। 

अस्पतालका अनुसार नेशनल मेडिकल कलेजको बाबा होटेलमा बनाइएको आइसोलेशनमा उनको मृत्यु भएको हो। दमको समस्या रहेकी महिलालाई मंसिर १६ गते ब्योधा हस्पिटलमा जाँच गराउँदा पीसीआर रिपोर्ट पोजेटिभ देखाएको थियो। 

त्यतिबेलै उनलाई बाबा होटलको आइसोलेसनमा भर्ना गरिएको थियो। उपचारको क्रममा उनको आज मृत्यु भएको नारायणी अस्पतालका प्रवक्ता डा.अतुलेश चौरसियाले बताए।