छुट्टाछुट्टै दुर्घटनामा दुई जनाको मृत्यु

चितवन– चितवनमा गएराति भएका फरक–फरक दुर्घटनामा प्रहरी जवानसहित दुई जनाको मृत्यु भएको छ। 

चितवनको राप्ती नगरपालिका र खैरहनी नगरपालिकामा भएका  दुई सडक दुर्घटनामा परी दुईजनाको मृत्यु भएको हो। 

जिल्ला प्रहरी कार्यालय चितवनका अनुसार महेन्द्र राजमार्गअन्तर्गत ना ३७ प ५५४५ नम्बरको मोटरसाइकललाई ना ६ त ३३८१ नम्बरको ट्याक्टरले ठक्कर दिंदा प्रहरी जवान सुजन न्यौपानेको मृत्यु भएको छ। 

त्यस्तै जीपको ठक्करबाट खैरहनी नगरपालिका–७ का ३५ वर्षीय विजेन्द्र चौधरीको पनि मृत्यु भएको छ। खैरहनी नगरपालिका–१ बहेडाचोकमा ग १ च ९७२१ नम्बरको जीपले ना २९ प ९७०८ नम्बरको मोटरसाइकललाई ठक्कर दिंदा चौधरीको घटनास्थलमै मृत्यु भएको थियो। रासस